老忠觀眾都會知道，我小一既時候就確診左有SEN（特殊學習需要），即係大家近年聽好多既專注力不足、 過度活躍、自閉症、讀寫障礙、等等各種既學習困難病患。
廿年前既資訊同依家天差共遠，令我完美地錯過哂所有及早治療既方案...
由細到大，我都知道我思維同其他人好唔同，學術term即係 "Deviance"（異類）。
。
好多時我唔明白人地既思想。其實今時今日都係，只係比以前進步左，好似今朝我問Ken點解其他人會咁睇女性角色定型，Ken好細心咁解答我，討論左好耐但我都係未明，最後因為討厭自己融入唔到大眾而流淚😂😂
。
我唔好既地方有好多，性格衝動，講野直接，易得罪人，唔理人點睇自己，淨係對我有興趣既野有興趣....
不過同時亦因為咁樣，令我做到百毒不侵既CatGirl, 唔會因為別人既批評、說三道四，而影響左我去做想做既事。
如果當初我係人講咩就做咩，跟主流社會步伐而走既人，根本一開始就唔會去拍YouTube。
要我係鏡頭前虛偽，我寧願做一個真實實在既人。同樣揀朋友都係，我寧願搵一個有果句講果句既朋友，都唔想搵一個同你扮fd但背後捅你一刀既朋友。
。
有一位智者講過：「如果一個人強行送一份你唔鍾意既禮物俾你，咁究竟呢份禮物真正屬於既係邊一個？」
每個人都有自己獨一無二既經歷，但活得精彩、將自身經歷發光發亮係一個活著既態度。放負既時候就盡情去放，放完負就去學點同困難共存。
。
希望你都可以搵到你人生精彩既一面😁😁
。
ps. 組織力好差，打完又改打完又改😂😂 只係想俾多d鼓勵面對緊困境既朋友。
.
#讀寫障礙 #dyslexia #adhd #sen #specialeducationalneeds #特殊學習需要 #鼓勵 #加油 #motivation #positive #正能量 #正面 #困難 #逆境 #挑戰 #人生 #態度 #hongkong #非主流 #hkig #hkyoutuber #hkkol #hkinfluencer #大碼 #plussize #寫真 #curvy #girl #人像 #攝影
Search